الاثنين، 17 نوفمبر، 2014

الخط ده خطى


الخط ده خطّي .. و الكلمة دي ليَّ
غطّي الورق غطّي .. بالدمع يا عينيّ
شط الزتون شطّي .. و الأرض عربية
نسايمها أنفاسي .. و ترابها من ناسي
و إن كنت أنا ناسي .. ما حتنسانيش هيّ
الخط ده خطّي .. و الكلمة دي ليَّ
لاكتب على عيني .. يحرم عليكي النوم
و احبس ضيا عيني .. بدموعي طول اليوم
قبل الوفا بديني .. زَي الصلا و الصوم
ده الدين في عُرف الحر .. هم و مذلة و مر
و هموم تجيب و تجُر .. أحزان مخبِيَّة

لاكتب على كفي .. و الحبر من دمي
يا عِزوتي كفي .. يا همتي ضمي
أول ما حنوَفي .. بالوعد حنسمّي
باسم اللي ماتوا صغار .. في المدرسة و الدار
و المصنع اللي انهار .. فوق الصنايعية
الخط ده خطي .. و الكلمة دي ليَّ

الأحد، 16 نوفمبر، 2014

على بابك



انتهيت على بابك وابتديت
اعرف حقيقة الحب والميلاد
ما ندمتش يوم برغم قسيت
فى حبك ياما طفت بلاد
ورغم وجعى عمرى مره بكيت
فى ضى عينيك  املا صوتى آهات
وجع البعاد يزداد
تزيد جوا منى آهات
انادى بعلو صوتى حبيب
وفجر الحب جاى اكيد
ونفسى فى اللقا وميعاد

الاثنين، 8 أبريل، 2013

بينى وبينك



بينى وبينك جبال وجليد
ومسافة واسعة بنار وحديد
وريح بتعصف جوا قلبى عصف

بينى وبينك حب لسة وليد
لساه بيقعد كل وقفة عيد
يفرح ويوصف لون عنيكى وصف

بينى وبينك حب مالى القلب
يوماتى يرسم فى العيون الحب
ورقة ايديك تملى ايدى عطف

بينى وبينك وعد نتلاقى
عيون قلوب هايمة مشتاقة
ونقطف ورود الدنيا قطف


الثلاثاء، 5 فبراير، 2013

الثلاثاء، 29 يناير، 2013

قالت أحبك





قالت أحبك وهى تنظر إلى الأفق البعيد
وعيناها تكابد أنتحار الدموع
قالت فى صمت وسمعتها كأنها دوى فى قلبى
فارتجفتَ قليلآ وبكيت بداخلى 
انها حقآ تحبنى ..حقآ
انها تتمتم بأسمى داخلها ..حقآ
إنها تهتف بحبى فيضىء نورآ من عينيها إلى عينى
رفقآ
فأنا أشعر أن حبك عطاءآ لا أقدر عليه
لا أستحقه.. فأنتى الاميرة وأنا المملوك
أنتى الكبيرة..أنتى صفاء القلوب
وأنا الأسير فى دروب اللا عودة واللا رجوع
أرحلى حبيبتى فأنا أخشى عليكى منِى ومن قيودى
من سفرى ومن شرودى
أرحلى حبيبتى 
فانا احبك ولا أرضى لكى أن تكونى مأسورةً فى سجونى

الثلاثاء، 15 يناير، 2013

ذكرى الطفولة




حينما كنت أخطو على القمر خطواتى الأولى..
أدركت أنى تركت خلفى أيامى وذكرى الطفولة
وصرت أكبر و أقدر على مواجهة الحياة
وأنى أستطيع أن أخفى من وجهى ملامح الآه
وحين ابتعدت خطوتين ..جرنى إليكى الحنين لذكرى الطفولة
حين كنا نجرى فى ظل سور الحديقة
ونعدو خلف الفراشات ونسكب الماء من النهر الى النهر
وتظل ضحكاتنا من دهر إلى دهر
أدركت أنى تركت خلفى أيامى وذكرى الطفولة

الثلاثاء، 1 يناير، 2013

عارفة على الحجار

عارفة..

مش عارف ليه بتونس بيكى وكأنك من دمى

على راحتى  معاكى  وكأنك  أمى
مش عارف ليه
عارفة ..
حاسس إنى لأول مرة بشوفك
وإنى بشوفك من أول لحظة فى عمرى
حاسس إنى يمامة بتشرب ف كفوفك 
وانك شجرة وضلة وميا بتجرى
مش عارف ليه بتونس بيكى وكأنك من دمى
وعلى راحتى معاكى وكانك أمى 
مش عارف ليه
عارفة..
فرحة كبيرة وصوت مزيكا فى قلبى
وكأننا حبيبين اتقابلوا بعد فراق
ليه فجأة بقيت مستنى لوحدى
ليه بتكلم واحكيلك واشكيلك همى
مش عارف ليه بتونس بيكى وكأنك من دمى 
على راحتى معاكى وكأنك أمى
وانا وياك بحس الدنيا دنيا سلام وامان
وان العالم مفيهوش ولا نقطة احزان
ايدك خليها فى ايدى انا طفل كبير
وبحس ان انا وانتى لوحدينا والكون بستان
مش عارف ليه بتونس بيكى وكأنك مندمى 
على راحتى معاكى وكأنك امى 
مش عارف ليه